Тілдер күні мерекесіне өткізілген іс-шаралар туралы ақпарат

   «Балдырған» мектеп балабақшасында Тілдер күні  мерекесіне орай арнайы құрылған жоспар бойынша  іс-шаралар  өткізілді. Осы жоспарға сәйкес, эпидемиологиялық ахуалға байланысты барлық санитарлық ережелері сақталып төмендегідей жұмыстар атқарылды:

   «Тіл-достықтың айғағы» атты тақырыппен онлайн-көрме өтті. Көрмені қазақ тілі мұғалімі Рахимова Г. К.,  ағылшын тілі мұғалімі Ахметова А. Э., орыс тілі мұғалімі Оразбаева М. А. ұйымдастырған болатын,көрмеге тәрбиеленушілердің тілге байланысты салған суреттері және тілді үйренудің жеңіл тәсілдеріне байланысты оқулықтар, сөздіктер, қызықты журналдар көрсетілді.  «Қазақстан халқы тілдері күні» онлайн-челлендж үш тілде өтті, тәрбиеленушілер тілге байланысты мақал-мәтелдерді айтып өтті.

   Тәрбиешілер топтарда «Менің тілім-менің мақтанышым!» атты тәрбие сағаттарын өткізді.  Арнайы тақырыптық сабақтарда қойылған мақсаттарды, яғни балалардың тілдік қорын молайту және барлық тілдерді құрметтеуге тәрбиелеу, жүзеге асыру үшін тәрбиешілер бүлдіршіндерге   тақырыпқа байланысты мақал-мәтелдер, жыр шумақтармен  таныстырып, бейне таспаларды қолданыла білді.

   Бірінші «А» және «Ә» сыныптарында «Бала тілі-бал» атты мәнерлеп оқудан Есмағамбет И., Хасенова А., Мақсымбек Н., Қасқырбай Б., Төребай Ж., Мырзамұрат Ж., Қайыр М. оқушыларымыз мемлекеттік ана тілімізді құрметтеп өздерінің жыр шумақтарымен онлайын түрінде  өнерлерін  көрсетті. Эпидемиологиялық ахуалға байланысты сайысқа қатысқан оқушылар жеке түсірілген бейнетаспаларын ұсынды.