"Бала дамуындағы сабақтастық" тақырыбында семинар-практикум

«Балдырған» бөбекжайында балабақша мен мектеп арасындағы сабақтастық жұмысының жоспарына сай "Бала дамуындағы сабақтастық" тақырыбында семинар-практикум өтті.

Мақсаты: Баланың дамуындағы сабақтастықты қамтамасыз ету, балабақша мен мектеп арасындағы үйлесімділікті арттыру, тәрбиешілер мен мұғалімдерге балалардың дамуының әр кезеңін дұрыс бағалауға көмек көрсету.

Әдіскер: Шакиева Ж.О. Семинар-практикумға қатысушылармен танысып, Семинардың мақсаты мен бағдарламасын түсіндіріп, таныстырды.

Тәрбиеші : Тагыбаева Т.Е. «Балабақша мен мектеп арасындағы сабақтастық жолдарын нығайту» тақырыбында баяндама оқыды.  Сауалнамалар мен викториналық сұрақ-жауап әдісі арқылы  Казкенова Асемгул Жиенбековна бақылау іс-әрекетін жүргізді. 

Шакиева Ж.О  «Мектепке дейінгі білім беруде балалардың  дағдылары мен қабілеттерінің дамуы» бастапқы мониторинг есебі тыңдалып, талданды. Сонымен қатар Балуан Шолақ мектеп-лицейінен келген бастауыш сынып ұстаздары Маткенова Б.К., Орынбасар Ш.М., Елемес А.М. өз ойларымен бөлісіп,  ұсыныстарын білдірді.

 Бөбекжайымыздың  педагог-психолог: Каменова Ж.З. педагогтермен бірлесе тренинг жүргізді.  Семинар -практикум барысында қатысушылар мектепке дейінгі ұйым мен бастауыш буын арасындағы өзара байланыс пен бірізділіктің маңызын жан-жақты талдады. Бала дамуының әр кезеңіне тән психологиялық-педагогикалық ерекшеліктер қарастырылып, оқу-тәрбие процесінде сабақтастықты қамтамасыз етудің тиімді тәсілдері көрсетілді. Сонымен қатар, әдістемелік қолдауды жетілдіру, ата-аналармен ынтымақтастықты нығайту және білім беру ортасын біріздендіру бағытында ұсыныстар әзірленді.Семинар-практикум нәтижесінде қатысушылар баланың тұлғалық қалыптасуы мен оқу дағдыларының үздіксіз дамуы үшін педагогтер арасындағы жүйелі байланыс пен әдістемелік үйлесімділіктің ерекше маңызға ие екендігіне көз жеткізді. Іс-шара кәсіби тәжірибені жаңғыртуға, жаңа идеялармен бөлісуге және білім беру сапасын арттыруға ықпал етеді деген сенімдеміз.