Бастауыш сынып мұғалімдерінің қатысуымен ата-аналар жиналысы

Бастауыш сынып мұғалімдерінің қатысуымен ата-аналар жиналысы

         «Балдырған» бөбекжайының «Мирас» мектепалды тобында  бастауыш сынып мұғалімдерінің қатысуымен «Балабақша–отбасы–мектеп» жүйесіндегі дайындық» тақырыбында  ата-аналар жиналысы өткізілді. Жиналыстың  еркін және ашық өтуі үшін тренинг, ойындар, әңгіме, пікір алысу,  «Бақытты отбасы» тақырыбында постер қорғау жұмыстары ұйымдастырылды. Балуан Шолақ атындағы мектеп-лицейінің оқу ісі—жөніндегі орынбасары Толқын Қадыровна сөз сөйлеп, ата-аналарға жан-жақты  кеңестер берді. Биылғы оқу жылында мектеп табалдырығын аттағалы отырған бүлдіршіндердің ата-аналарымен бастауыш сынып мұғалімдері арасында қарым-қатынас орнап, өзара пікір алмасты. Жиналыс соңында қатысушылармен «Тілек шамы» тренингі жүргізіліп, бір-бірлеріне жақсы тілек, ойларын жеткізіп, алған әсерлерімен бөлісті.