Ересек топтар арасындағы «Көңілді эстафета» спорттық ойыны.

Жас ұрпақты жан – жақты дамыған, ой — өрісі биік, тұлғасы сымбатты азамат етіп өсіру үшін тәрбие жүйесінде дене тәрбиесінің алар орны орасан зор. Ал оны неғұрлым ерте кезінен бастап, дұрыс жолға қойып жүргізсе, соғұрлым нәтижесі жемісті болатыны анық. Өйткені болашақ азаматтың денсаулығы мықты, мүсін тұлғасы дұрыс қалыптасқан, жігерлі де қайратты болып өсуіне, көпшілдік дағдыларын бойына терең сіңіруіне нақ осы мектепке дейінгі кезеңде тереңірек көңіл бөлінсе, дұрыс негіз қаланады.
Шынықтыру дене тәрбиесінің маңызды бөлігі, ол табиғи факторлардың үйлестірілген әсерлеріне жүйелі түрдегі  жаттығулар  арқылы орындалады. Шыныққан бала аз ауырады, тәбеті мен ұйқысы жақсы,бітімі үйлесімді,әрі сымбатты  келеді және ауа-райының  кез келген жағдайында жеткілікті дәрежеде  серуендей алады. Спорттық жарыстар мен түрлі ойын – сауықтар балалардың ой санасының қалыптасуына, өзін еркін ұстап және жан – жақты жетілуіне әсер етеді. Дене тәрбиесіне байланысты балабақшадағы ересек топтардың арасында «Көңілді эстафета» ойындары өткізілді.

Мақсаты: тәрбиеленушілер арасында жарыстар өткізу арқылы салауатты өмір салтын қалыптастыру. Денсаулықтарын нығайтып, қимыл –қозғалыстарын арттыру.

  Алдымен ойын ережелері дене шынықтыру нұсқаушыларының көмегімен түсіндіріліп, кейіннен балалар өздері орындады. Жүргізуші ретінде  балалар кезектесіп өткізеді. Эстафеталық ойындар алғашында  жеңіл түрінен басталып, күрделі түріне ауыстылды. Әр топ балалары қызығушылықпен ойындарға қатысып, ерекше сезімде болды.

Дене шынықтыру нұсқаушылары: Сагиндыков М.К.

                                                           Сагиндыков Н.К.