1 Маусым- балаларды қорғау күніне арналған іс- шара жайлы ақпарат

 Бүкіл әлемде 1 - ші маусым Балаларды қорғау күні ретінде аталып өтіп, ескі халықаралық мейрамдардың бірінен саналады. Оны өткізу жөнінде шешім 1949 жылдың қараша айында Халықаралық демократиялық әйелдер федерациясының арнайы сессиясында қабылданды. Алғашқы халықаралық балаларды қорғау күні 1950 жылы өткізілді БҰҰ аталған бастаманы дер кезінде қолдап, балалардың өмірін, құқығын, денсаулығын қорғауды өз қызметінің басты бағыттарының біріне айналдырды. БҰҰ-ның жүргізген сауалнамасына  жүгінсек, бүгінгі таңда әлемде әрбір оныншы бала үлкендер тарапынан жасалатын зорлық пен зомбылыққа ұшырайды екен. Әлемде өмірі қатерге толы балалар да баршылық. Аш-жалаңаштық, соғыс өрті, терактілер балалар ғана емес, үлкендердің де психикасына кері әсерін тигізеді. Бұл- қорғансыз балалардың басына түскен үлкен ауыртпалық екендігі шындық. Балаларды қорғау күні мереке ғана емес, сонымен қатар, болашаққа бағдар жасайтын маңызды шараның бірі. Адамзаттың алдында тұрған зор міндет - болашақ ұрпақтың бақытты өмірін қалыптастыру.

   Біздің балалар да  осы мерекеден тыс қалмады,  арнайы ұйымдастырылған шеруге қатысты,  Кіші топтағы балалар балабақша ауласында  шығармашылық жағынан өз өнерлерін көрсетіп асфальтка сурет салды, түрлі-түсті үрленген шарларын  аспанға  ұшыртып, өз армандарын тіледі. Ересек, ортаңғы топ балалары стадионға барып, мерекені тойлауды жалғастырды.  Барша әлемдегі балалардың тілегі орындалсын деп тілектеспіз.