Аудандық "Зерек бала" интеллектуалды байқауы

Қазіргі талап деңгейіне сай мектепке дейінгі ұйымдарда – тәрбие үрдісі арқылы балаларды  тек біліммен ғана қаруландырып  қоймай, олардың назарын білгендерін жадына сақтауға, қабілетін, ойлауын, тіл шеберлігін, зерделі білім алу құштарлығын ояту, өмірге көзқарасының дұрыс қалыптасуын, ықыласын, төзімділігін, іскерлігін, іздемпаздығын тағы  басқа танымдық қасиеттерін жетілдіру – жаңа ғасыр мектебінің мақсаты.Бұл мақсатқа жетудің бірден — бір жолы оқытудың тиімді жолдары мен түрлерін іздестірубоп табылады. Осыған орай  аудандық балабақша тәрбиеленушілері 5-7 жас арасында «Зерек бала»  интеллектуалды ойыны үш тілде  ұйымдастырылды.  Осы сайысқа «Балдырған» мектеп-балабақша атынан даярлық топтарының балаларынан құрылған «Жалын» тобы қатысып, балабақшамыздың намысын қорғады. Сайысқа аудандық балабақшалардан 9 команда қатысып өз бақтарын сынады. Сайыс 4 кезеңнен тұрды, әр кезеңдерде балаларға үш тілде тапсырмалар беріліп орындады. Сайыс соңында әділқазылардың шешімімен жеңімпаз командалар анықталды. Аудандық балабақшалар арасынан оза шыққан «Жалын» тобы жүлделі I орынға ие боп Дипломмен марапатталды. Тәрбиеленушілеріміздің  биіктерден көрініп, бағындырар белестерінің алда екеніне сенімдіміз.Болашақтың бүгінгіден де нұрлы болуына ықпал етіп, адамзат қоғамын алға апаратын күш білімде ғана. Қай елдің болмасын өсіп-өркендеуі,өркениетті дүниеде өзіндік орын алуы оның ұлттық білім жүйесінің деңгейіне, даму бағытына байланысты.