«Ұлыстың күні- Наурыз» атты өткізілген іс-шара жайлы ақпарат

        «Балдырған»  мектеп- балабақшасында «Ұлыстың  ұлы күні- Наурыз» атты іс-шаралар  директордың қатысуымен кеңесте  жоспары талқыланып, бекітілген болатын  және  жоспар бойынша өткізілді.

        Мақсаты: Балаларға наурыз мейрамы туралы түсінік беру арқылы қазақ халқының салт-дәстүрін көрсету және оны құрметтей білуге  тәрбиелеу.

       Мерекеге  барлық  топтар  мен бірінші сынып  қатысты.  Наурыз мерекесіне  арналып балабақшаның  спорт залы да безендірілді. Ұлттық  дәстүріміздің белгісі ретінде шаңырақ  орнатылып, кереге  құрылды. Киіз  үйдің іші басқа да ұлттық  жабдықтармен  безендірілді. Дастархан  үсті  ұлттық  тағамдармен  толтырылды.  Балабақшаны  ерекше атмосфера алаулап кеткендей.  Барлық топтардың бүлдіршіндері арнайы ұлттық киімдерін киген, топтар мерекеге сай әшекеленген.  Дене шынықтыру  нұсқаушылары  және тәрбиешілері  балаларға арнап қазақтың  ұлттық ойындарынан  спорттық  сайыстар  «Арқан  тарту», «Қол  күресі», «Қыз  қуу», «Итеріспек»,  «Тауық  күрес»   өткізді.  Ал енді , Наурыз  мерекесіне  арнап дайындаған   тақпақтарын, әндерін  шырқау тәрбиеленушілердің мүмкіндігі да болды, яғни  топтарда тәрбие сағаттары өтті. Мерекеге  ұйымдастырылған  «Салт-дәстүрім-  таусылмайтын байлығым»  атты сайыс тәрбиешілердің арасында  өткізілді.  Сайысқа қатысу үшін бес ауыл құрылды: «Абай»; «Қабанбай»; «Тойбастар»; «Ынтымақ»; «Балуан Шолақ», алдын ала тапсырма берілді   «Абысын асы», «Сәукеле кигізу», «Бел көтеру», «Өңір салу», «Біз шаншар»  салт-дәстүрінен  көріністер көрсету және ұлттық нақыштағы өнерді   ұсыну, сонымен қатар қазақтың әдеп-ғұрыптар  туралы сұрақтар қойылды. 

      Тәрбиешілер жоғары деңгейде дайындалып өз өнерлерін  көрсетті. Сайыс өте қызықты  өтті, соңында  бата беріліп, жайылған дастарханнан наурыз көженің  дәмін  татып,  барлығы ортаға жиналып  «Қара жорға» биін биледі.