«Еркетай» ересек тобындағы ұйымдастырылған іс-әрекет кезеңі.

22.09.2026

Тақырыбы: "Мен және менің досым"

Мақсаты: Балалардың достық, өзара сыйластық және қамқорлық туралы түсініктерін қалыптастыру. Досына көмектесуге, бір-бірін тыңдауға, құрметтеуге және достық қарым-қатынасты бағалауға тәрбиелеу.  Міндеттері:

-«Дос», «достық» ұғымдарының мағынасын түсіндіру;                                                           - өз досының жақсы қасиеттерін сипаттап айтуға үйрету;                                                         - балалардың байланыстырып сөйлеу дағдыларын дамыту;                                            -достарына мейірімділікпен, қамқорлықпен қарауға тәрбиелеу.              Шаттық шеңбері: Балалар шеңберге тұрады.                                           Педагог:
– Балалар, бір-бірімізге жылы жүзбен қарап, жақсы тілектер айтайық. Балалар:
– Денің сау болсын!
– Көңіл-күйің жақсы болсын!
– Әрқашан күлімдеп жүр!
– Досың көп болсын!

Педагог:
– Балалар, бүгін біз өте маңызды тақырып туралы сөйлесеміз. Ол – достық.

Дос деген кім?

• Сенің досың бар ма?
• Досыңмен не ойнағанды ұнатасың?
• Досың қандай?
• Досың қиналған кезде не істейсің?
• Досыңмен ренжісіп қалсаң, қалай татуласуға болады?                                    – Нағыз дос әрқашан досына көмектеседі, оны ренжітпейді, қиын кезде қолдау көрсетеді. Достар бір-бірін тыңдайды, сыйлайды және кешіре біледі.

Қ/О:  «Досымды тап»

Балалар шеңберге тұрады. Педагог допты бір балаға береді.

Бала допты алған кезде:

«Менің досым – ... . Ол мейірімді, көңілді, ақылды» – деп досының бір жақсы қасиетін айтады.

Содан кейін допты басқа балаға береді.

 Сергіту сәті: «Дос болайық»

Бір-бірімізге қарайық,
Күлімсіреп тұрайық.
Қол ұстасып бәріміз,
Дос болып бірге жүрейік!  Балалар қимылдарды қайталайды.                                                 «Жақсы ма, жаман ба?» ойыны: Педагог әртүрлі әрекеттерді атайды. Балалар жақсы әрекет болса – қолдарын шапалақтайды, жаман әрекет болса – бастарын шайқайды.

Шығармашылық тапсырма: «Менің досым»

Балаларға түрлі түсті қарындаштармен берілген шаблондағы суретті бояуы керек.                                                                                                                           Қорытынды:  – Балалар, бүгін не туралы әңгімелестік? Балалардың жауаптары тыңдалады. – Достық дегеніміз – бір-бірімізді сыйлау, көмектесу, қамқор болу және жақсы қарым-қатынас жасау. Әрқайсымыз досымызға мейірімді болсақ, тобымызда әрдайым қуаныш пен татулық болады.

Тәрбиеші: Каиржанова О.Х.