«Денің сау болсын!» атты педагогтер арасындағы іс-шара

Бөбекжайымыздың шығармашылық тобының жоспарына сай  «Денің сау болсын!» атты дене шынықтыру демалысы педагогтар арасында ұйымдастырылып, жоғары деңгейде өтті.

   Іс-шараның негізгі мақсаты-педагогтердің денсаулығын нығайту, эмоционалдық көңіл-күйін жақсарту, ұжымда жағымды психологиялық ахуал қалыптастыру және салауатты өмір салтын насихаттау болып табылады.

   Іс-шара барысында педагогтер  «Жас қырандар», «Тұлпар», «Арлан» командаларына бөлініп, түрлі спорттық жарыстар мен эстафеталық ойындарға қатысты. Қатысушылар өздерінің ептілігін, жылдамдығын, төзімділігін және ұйымшылдығын көрсете білді. Әр кезең қызықты, тартысты өтіп, қатысушыларға ерекше әсер сыйлады.

   Сонымен қатар, іс-шара барысында достық қарым-қатынас нығайып, ұжымдық бірлік айқын көрініс тапты. Қатысушылар белсенділік танытып, бір-біріне қолдау көрсетіп, көтеріңкі көңіл- күймен өнер көрсетті.

   Аталған дене шынықтыру демалысы педагогтардың денсаулығын нығайтуға, сергектік пен жағымды эмоция алуға, сондай-ақ ұжымдағы ынтымақтастық пен бірлікті арттыруға зор ықпал етті.