«Қазақстан Республикасының өзекті конституциялық моделі: мемлекеттің, қоғамның және құқықтың арақатынасы» тақырыбында педагогтермен диолог жүргізілді.

Бұл модель Қазақстан Республикасының Конституциясында бекітілген қағидаттар мен құндылықтарға сүйенеді және қазіргі кезеңде саяси жаңғырумен тығыз байланысты.

Қазақстанның конституциялық моделінде мемлекет, қоғам және құқық бір-бірін толықтыратын өзара тәуелді жүйе ретінде қарастырылады.

Конституциялық модельдің негізгі қағидаттары

Қазақстан Республикасының Конституциясы мемлекетті демократиялық, зайырлы, құқықтық және әлеуметтік деп жариялайды. Бұл сипаттамалар мемлекеттің қоғам алдындағы жауапкершілігін айқындайды. Негізгі қағидаттарға мыналар жатады:

Халық егемендігі – биліктің бірден-бір бастауы халық болып табылады;

Адам құқықтары мен бостандықтарының үстемдігі – адам, оның өмірі, құқықтары мен бостандықтары ең жоғары құндылық ретінде танылады;

Биліктің бөліну қағидаты – заң шығарушы, атқарушы және сот билігінің өзара тежемелік әрі тепе-теңдік жүйесі;

Заңның үстемдігі – мемлекет те, қоғам да құқық нормаларына бағынады.

Мемлекет пен қоғамның өзара ықпалыҚазіргі конституциялық модельде мемлекет қоғамнан оқшау тұрған құрылым емес, керісінше, қоғамдық сұраныстарға жауап беретін және азаматтық бастамаларды қолдайтын институт ретінде қарастырылады. Азаматтық қоғам институттарының (саяси партиялар, қоғамдық ұйымдар, бұқаралық ақпарат құралдары) рөлі артып келеді. Қазақстан Республикасының өзекті конституциялық моделі мемлекет, қоғам және құқықтың теңгерімді әрі өзара жауапкершілікке негізделген жүйесін қалыптастыруға бағытталған. Бұл модельдің тиімділігі құқықтың үстемдігіне, азаматтардың белсенділігіне және мемлекеттің ашықтығына тікелей байланысты. Қазіргі реформалар осы үштік арасындағы үйлесімділікті нығайтуға және конституциялық қағидаттарды нақты мазмұнмен толықтыруға бағытталып отыр.