«Мектеп жасына дейінгі баланың тілін халық ауыз әдебиеті арқылы дамыту» жоба аясындағы іс-шара.

Бөбекжайда «Мектеп жасына дейінгі баланың тілін халық ауыз әдебиеті арқылы дамыту» жоба аясында жоспар бойынша «Халық ауыз әдебиеті-балабақшада» ата-аналармен викториналық ойын іс-әрекеті атты іс-шара өткізілді. Іс-шара «Адал азамат- біртұтас тәрбие» бағдарламасын жүзеге асыру бойынша ата-аналармен өткізілген викториналық ойын іс-әрекет түрінде жүргізілді. Мақсаты: Ата-аналар мен бөбекжай арасындағы байланысты дамыту, әрі қарай нығайту, ұлттық құндылықтарымызды білу. Ата-ананың халық ауыз әдебиетімізге деген қызығушылығын баласына дәріптеуін дамыту. Ұлттық мәдениетімізге, тілдік мәртебемізге құрметпен қарауға тәрбиелеу. Ұлттық құндылықтарымызды құрметтеуге шақыру. Ата-аналарымыз 5 кезеңнен тұратын сайыста мақал-мәтел, жұмбақ, ертегі, ән шырқау, жаңылтпаш айту сияқты тапсырмаларды орындады. Сайыс қорытындысы бойынша жеңімпаздар анықталып марапатталды.