Мектепалды топтарының «Бақытты балалық шақ» тақырыбындағы іс-шарасы.

«Балдырған» бөбекжайында «Құлагер», «Мирас», «Жауқазын», «Қарлығаш» мектепалды топтарында «Бақытты балалық шақ» тақырыбында тәрбие сағаты  өткізілді.

Мақсаты: Сәби шағынан бастап балабақшаға бауыр басқан бүгінгі бүлдіршіндерді өнер әлеміне жетелей отырып, қызығушылығын ояту. Балалар арасында достық қарым – қатынас қалыптастыру.

Жүргізуші:                                                                                                 Баршамызды бала тілмен баурайтын,
Бала деген бір бақыт қой самғайтын
Ата — ананың арманы мен тілегін,
Бала емес пе бал бұлақтан жалғайтын

Жүргізуші: Қымбатты қонақтар, ата-аналар, балабақша қызметкерлері! Бүгін бізде үлкен мереке. Яғни, бұл мереке-қуанышы мен қызығы мол балалардың «Балабақшамен қоштасу» мерекесі. Бала-біздің болашағымыз. Ал әр бала ол-болашақ жарық жұлдыз. Бүгін біздің балабақшамыздан ұшқалы отырған бүлдіршіндер де болашақта еліміздің мақтанышына айналатын жарқын жұлдыздар болатынына сенеміз. Олай болса, болашақ жұлдыздарымызды қарсы алыңыздар.

Жүргізуші:                                                                                                                Қарашы, бүгінгі күн қандай,

Қалайша қаласың нұрланбай?

Вальс билесе түлектер

Жер шары айналып тұрғандай!

Би: «Вальс»

Жүргізуші:

Жүргізуші:
Мектеп ана шақырады бізді алдан,

Алдымызда талай-талай сан арман.

Қоштассақ та даярлығым өзіңмен,

Санамызда өзің  берген өнегең.

Хор: «Балабақшаға мың алғыс»

Алғашқы құттықтау сөз : «Балдырған» бөбекжайының  басшысы Акпентаева Райхан Зейнуллақызына беріледі.

Жүргізуші:                                                                                                                            Бізге сыйлап сыңғырлаған күлкіңді,
Сәбилерім жүздеріңде нұр тұнды.
Бізден ұшып, қанат қағып есейдіңдер,
Өздеріңмен қоштасатын күн туды.

-балаларымыздың дайындаған жыр шумақтарын қабыл алыңыздар.

Тақпақтар: Назым, Айсұлтан, Димаш, Ай-ханым, Нұрай, 

Назым:

Қуанамыз сыйлаймыз,

Қуаныштың мың гүлін.

Бақшамызбен қимай біз,

Қоштасатын күн бүгін.

Айсұлтан:

Мектепке енді барамыз,                                                                                                 Үлгілі оқушы боламыз.                                                                                                   Жақсы оқып сабақты,                                                                                                            Кілең бестік аламыз.

Димаш :

Мектепке бізде  барамыз,

Оқимыз, сауық құрамыз.

Қашық емес арамыз,

Бақшаға келіп тұрамыз.

Ай-ханым:

Үлкендердей тап- таза,

Жазамын бормен тақтаға.

Үлгілі бала боламын,

Жүретіндей мақтана.

Нұрай:

Мәпелеген анамыз,

Бақша болды панамыз.

Мектепке енді барамыз,

Оқып білім аламыз.

Жүргізуші:                                                                                                 Думандатып бақшада                                                                                   Қызықты той басталсын.                                                            

 Балабақша  түлектері                                                                                          Әдемі ән шырқасын.                                                                                          

Ән «Тұлпарым әні »жігіттердің орындауында

Жүргізуші:                                                                                                       Бесіктегі баланың
Күлгенің көрген бір мұрат
Алдына түсіп ананың.
Жүргенін көрген бір мұрат.

-балалардың мерекеге дайындаған жыр шумақтарына кезек берейік.

Тақпақтар:Әлімжан, Алдияр, Алижан, Айлин,Исмаил, Сабина, Айдос, Жігер,

Әлімжан:

Балабақшам сүйікті.

Ән салдыртты, билетті.

Шынықтырып денеңді,

Шымыр болуға үйретті.

Алдияр:

Мен бармақтай баламын,

Таудай үлкен боламын.

Көктің жүзін шарлаймын,

Үлкен ғалым боламын.

Алижан:

Алты жасқа толамыз.

Әдепті бала боламыз.

Қуантып ата-анамды,

Мектепке кетіп барамыз.

Айлин:

Бақша біздің панамыз,

Мектеп біздің анамыз.

Ұлағатты ұстаздан,

Оқып, білім аламыз.

Исмаил:

Қызық күндер өткіздік,

Балабақша бағында.

Көп оқыдық көп білдік,

Елмен Отан жайында.

Би: «                 » қыздардың  биі

Жүргізуші:                                                                                                                     Бізден ұшып талмай қанат қағыңдар,
Жүректерде арман отын жағыңдар.
Жақсы оқып алтын ұя мектепте,
Бұл өмірден бақыт жолын табыңдар.

Хор: «Тәрбиеші апайлар»  

Тақпақтар:   Ерназар , Арман, Сабина, Айдос, Жігер,

Ерназар:

Қолыма гүл аламын,

Дайын дәптер қаламым.

Таңғалдырып достарымды,

Мен мектепке барамын.

Арман:

Ойыншықты жинаймыз
Бөбектерге сыйлаймыз
Үлкен болып, өсекте,
Бақшамызды қимаймыз 

Сабина:

Балалбақша байтағым

 Күліп ойнап қайтамын

 Ән саламын би билеп

Тақпақты да айтамын

Айдос:

Жақсы менен жаманды,

Ажырата білеміз.

Ата- баба жолымен,

Алға қарай жүреміз.

Жігер:

Тәтті күндер куәсі,
Хош бол бақшам, ғажабым.
Балдай тәтті бал күндер,
Тарқамасын базарың...

Жүргізуші:                                                                                                              Ей, бүлдіршін, бүлдіршін,
Өмір бізді күлдірсін.
Тойға келген мына жұрт,
Ән мен биге бір тойсын.

Би: «Камбойлар» биі

Жүргізуші:

Қоштасып бүгін балалықпен,

Қоштасамыз сиқырлы балабақпен.

Танысып мектеп деген әлемменен,

Достасамыз біліммен, даналықпен.

Ән: «Оқып біліп, үйренеміз» Ай-ханым, Айлин, Сабина,

Жүргізуші:

Ғылымды  терең  меңгерген,

Үмітті  сендер  ақтаңдар,

Мектепті  үздік  бітіріп,

Ұстаздың  бол  мақтаны- деп марапаттау  рәсіміне  көшейік.

-Дипломдарды  табыс  ету  үшін  ортаға  бөбекжайымыздың басшысы  Ақпентаева  Райхан  Зейнуллақызын  шақырамыз.

Жүргізуші:

Жарастықпен жайнатып өмір көркін

Гүл бақшада жайнатып өскен еркін

Шат көңілді, бақытты ел ұланбыз

Келешекте ұлы істі меңгеретін.

Хор: «Мектепке барамыз» әні

Жүргізуші:

Балалардың білімі құтты болсын,                                                                      Денсаулығы ауырмайтын мықты болсын.                                                      Білімдерін ары қарай дамытатын.                                                                              Ерінбейтін еңбекқор күшті  болсын!

    Бүгін балабақшамыздан ұшып бара жатқан түлектерімізге тек қана ақ жол тілеп, білім көгінде қанаттары талмай самғай берсін деген тілек айтамыз.                                                                                                             Бәріңді де сәбиім деп сүйетін,
Өздеріңді сағынып біз жүрейік.
Құтты болсын қадамдарың аттаған,
Біз сендерге сәтті сапар тілейік!