«Мектепке дейінгі ұйымдарда қазақ этнопедагогикасын насихаттаудың инновациялық жолдары» тақырыбындағы кейс- кездесу

Қаңтар  айында құзыреттілік орталық жоспарына сай  «Мектепке дейінгі ұйымдарда қазақ этнопедагогикасын насихаттаудың инновациялық жолдары» тақырыбындағы кейс- кездесу өтілді. Мақсаты: Халық ауыз әдебиеті негізінде баланың шығармашылық, танымдық,     коммуникативтік дағдыларын  дамыту жолдарымен бөлісу. Кездесуге аудандық білім бөлімінің мектепке дейінгі тәрбие мен оқыту әдіскері Джамбасова Г.Т., мектепке дейінгі тәрбие мен оқыту ұйымдарының тәрбиешілері, пән мұғалімдері қатысты. Кездесу жоспарына сай  тәрбиеші Шакиева Жазира Ондасыновна мектепалды топ балаларымен балалардың коммуникативті дағдыларын дамыту мақсатында  Сауат ашудан ұйымдастырылған іс- әрекет көрсетті. Бөбекжайдың ересек топ арасында құрылған жоба жоспарына сай ересек топ тәрбиеленушілерінің арасында «Мақал- сөздің мәйегі» атты зияткерлік ойыны өткізілді. Сонымен бірге, қатысушыларға қаңтар айында ұйымдастырылған жаңылтпаш айтудан челленджінің бейнеролигі ұсынылып, жоба жұмысының жарты жылдық есебі берілді.