Жоба жоспары аясында өткізілген іс- шара. Тақырыбы: "Ұлттық ойын - ұлт қазынасы"

"Ұлттық ойын - ұлт қазынасы"

  Бөбекжайда «Мектеп жасына дейінгі баланың тілін халық ауыз әдебиеті арқылы дамыту» тақырыбындағы жоба аясында жоспар бойынша "Ұлттық ойын - ұлт қазынасы" атты іс- шара өткізілді. Іс- шара "Біртұтас тәрбие" бағдарламасын жүзеге асыру бойынша балалармен ойын іс- әрекеті түрінде жүргізілді.  Ұлттық ойын «Бестемше» ойыны ойнатылды.  Мақсаты: қазақтың ежелгі бестемше зияткерлік ойынын жаңғырту арқылы ұлттық құндылықтарды дамыту.  Балалардың ой - өрісін жетілдіру, өз халқының асыл мұраларын бойына сіңіріп, кейінгі ұрпаққа жеткізу. «Асық ату» ойыны арқылы балалардың жастайынан жүйке  жүйесін шыңдап, оларды дәлдікке, ұстамдылық пен сабырлылыққа тәрбиелеу. Ойынға ересек топ тәрбиеленушілері қатысты. Тәрбиешілер балаларға ұлттық ойындар туралы ақпарат берсе,  дене шынықтыру нұсқаушысы Сагиндыков Н. К. ойын шартымен, ережесімен балаларды таныстырып, жұпқа бөліп ойнатты. Сонымен бірге, балалар, асық ойынын да ойнады.